Mire se erdhet ne Portal

Moti me dëborë sjell vështirësi në veri

Reshje të mëdha dëborë kanë përfshirë rajonin verilindor te Shqipërisë duke shkaktuar vështirësi në qarkullimin rrugor dhe mungesë të energjisë elektrike, sidomos në zonat rurale.

Reshjet variojnë nga 30 cm lartësi në qytetin e Kukësit deri në 60 cm në zonat e thella malore.

Në orët e para të mëngjesit pothuajse të gjitha akset kombëtare të rrugëve në qarkun e Dibrës dhe Kukësit si dhe rrugët rurale kanë qenë të bllokura.

Berisha kërkon bashkëpunim për reformat

Kryeministri i Shqipërisë Sali Berisha shprehu besimin se forcat kryesore politike në Shqipëri dëshirojnë largimin e kryeprokurorit Theodhori Sollaku, por nuk janë në një mëndje për mënyrat.

Zoti Berisha tha në një intervistë për BBC-në gjatë një vizite në Londër se kryeprokurori duhet të largohet duke e akuzuar se ai vepron me motive politike.

"Ai prokuror bën politikë," tha zoti Berisha për BBC-në.

Kryeministri shqiptar ishte i inkurajuar nga mbështetja e Britanisë së Madhe për integrimin e Shqipërisë në BE dhe NATO dhe përshëndeti ratifikimin së fundi nga parlamenti britanik të Marrëveshjes së Asociimit me BE-në.

Presidenti Sejdiu kërkon qartësim nga OKB

Presidenti i Kosovës, Fatmir Sejdiu, i ka bërë thirrje sekretarit të përgjithshëm të OKB-së që t'i japë fund paqartësisë së misionit të tij në Kosovë dhe të bashkëpunojë me BE-në për të përfunduar fazën e tranzicionit.

Në një intervistë me BBC-në, zoti Sejdiu tha se UNMIK-u duhet të bartë përgjegjësitë e tij në duart e institucioneve të Kosovës, me qëllim të kapërcimit të pushtetit të dyfishtë.

Presidenti i bëri thirrje autoriteteve në Serbi që të ndërpresin qasjen negative ndaj Kosovës për të ecur në siç tha, proceset integruese evropiane. Ai gjithashtu tha se BE-ja duhet të bëjë presion mbi Serbinë që ajo të ndryshojë qëndrimin e saj ndaj Kosovës.

Alfred Moisiu, ish-president i Shqipërisë

Ish-presidenti i Republikës së Shqipërisë, Alfred Moisiu, është një nga figurat më të spikatura politike në Shqipëri.

Gjatë mandatit të tij në drejtimin e shtetit -- 2002-2007 -- ai la gjurmë në politikën shqiptare duke krijuar një imazh të ri në mënyrën e funksionimit të presidencës.

Në një intervistë ekskluzive për BBC-në Zoti Moisiu flet për karrierën e tij si ushtarak dhe si politikan, për marrëdhëniet që ka patur si me të majtën dhe me të djathtën në qeverisje.

Ai reflekton për vendimet më të vështira që ka marrë, përfshirë edhe atë për mosshkarkimin e Prokurorit të Përgjithshëm, të cilin ai e konsideron vendim të drejtë.

Ulet inflacioni në Shqipëri

Banka e Shqipërisë ka njoftuar se norma vjetore e inflacionit arriti në këtë fund viti në nivelin 2.6 për qind.

Ky është një nga nivelet më të ulta të inflacionit të regjistruar më parë, ndërsa objektivi ishte 4 për qind.

Rënia e inflacionit në Eurozonë pritej të reflektohej në Shqipëri, ku 80 për qind e flukseve tregtare kryhen me vende të Eurozonës.

Guvernatori i Bankës së Shqipërisë, Ardian Fullani thotë se ulja e çmimeve të konsumit pritet të vazhdojë edhe në muajt pasardhës.

Albasoul.com mbush 10 vjeç!

Albasoul.com [1998 - 2008]

25 dhjetori, nuk eshte vetem Dita e Lindjes se Krishtit, eshte edhe dita e lindjes se nje "projekti" ne Internet, 10 vjet me pare, ne dhjetorin e vitit 1998. Emri i projektit ishte "Albasoul" si nje shkurtim i "Albanian Soul", qe do te thote "Shpirti i Shqiptarit".

Ishte faqja e pare shqiptare ne Internet qe ishte ndertuar ne shqip dhe per shqiptaret. Ekzistonin edhe faqe te tjera shqiptare ne Internet, por ato kishin si qellim prezantimin e Shqiperise e shqiptareve per nje publik boteror joshqiptar. Shumica e ketyre faqeve ishin ne anglisht.

Investuesi i Madoffit vetëvritet

Një investitor francez, fondi i të cilit njoftohet se kishte pësuar një humbje në vlerë 1.4 miliardë dollarë, është gjetur i vdekur në zyrën e vet në New York.